رکن قانون ساز کونسل کے کویتا کی سابق رکن اسمبلی بودھن شکیل عامر سے ملاقات

رکن قانون ساز کونسل کے کویتا کی سابق رکن اسمبلی بودھن شکیل عامر سے ملاقات
والدہ کے انتقال پر اظہار تعزیت

رکن قانون ساز کونسل بی آر ایس و صدر تلنگانہ جاگروتی کلواکنٹلہ کویتا اور ان کے شوہر انیل کمار نے آج بودھن کے سابق رکن اسمبلی شکیل عامر کی رہائش گاہ پہنچ کر ان سے ملاقات کی اور شکیل عامر کی والدہ محترمہ کے انتقال پر اظہار تعزیت کیا۔ کویتا اور انیل کمار نے گہرے رنج و غم کا اظہار کرتے ہوئے مرحومہ کے لئے دعائے مغفرت اور پسماندگان کے لئے صبر جمیل کی دعا کی۔اس موقع پر کویتا نے کہا کہ ماں کا سایہ دنیا کی سب سے بڑی نعمت ہوتا ہےاور اس نعمت سے محرومی ایک ناقابل تلافی نقصان ہے۔ ہم اس دکھ کی گھڑی میں شکیل عامر اور ان کے اہل خانہ کے ساتھ کھڑے ہیں۔