طیارہ میں سگریٹ نوشی۔مسافرزیرحراست
طیارہ کے ٹیک آف ہونے کی تیاری کے دوران سگریٹ نوشی کرنے والے مسافر کو شہرحیدرآباد کے شمس آبادایرپورٹ پر حراست میں لے لیاگیا۔ ایرپورٹ کے حکام کے مطابق حیدرآباد سے یہ مسافرانڈیگو ایئر لائن کی پرواز 6E-1408 کے ذریعہ ابوظہبی جا رہا تھا۔ جیسے ہی طیارہ ٹیک آف کرنے والا تھا، اس مسافر نے چپکے سے سگریٹ سلگا لیا۔ ایرہوسٹس نے پائلٹ کی توجہ اس جانب دلائی جس کے بعد چوکس سیکورٹی عہدیداروں نے اس مسافر کو حراست میں لے لیااوراسے آر جی آئی اے پولیس کے حوالے کر دیا۔عہدیدار اس بات کی جانچ کررہے ہیں کہ یہ مسافرکس طرح سگریٹ لے کر طیارہ میں سوار ہوا۔
