سنگاریڈی میں خوفناک سڑک حادثہ میں دو افرادہلاک
تلنگانہ کے ضلع سنگاریڈی میں پیش آئے خوفناک سڑک حادثہ میں دو افرادہلاک اور دو دیگر زخمی ہو گئے۔یہ حادثہ ہفتہ کو قومی شاہراہ نمبر65ظہیرآباد میں اُ س وقت پیش آیا جب ایک تیز رفتار کار ظہیر آباد بائی پاس روڈ پر سڑک کے کنارے ریلنگ سے ٹکرا گئی۔مہلوکین 25سالہ سریش اور 42سالہ نرسمہا راؤ حیدرآباد کے قطب اللہ پورکے رہنے والے تھے۔ سریش اور نرسمہا راؤ اور دو دیگر افرادکرناٹک کے گانوگاپورمیں یاترا پر گئے تھے۔ واپسی کے دوران یہ حادثہ پیش آیا۔ لاشوں کو پوسٹ مارٹم کے لیے ظہیر آباد کے سرکاری اسپتال منتقل کردیا گیا۔ زخمیوں کو ظہیر آباد میں ابتدائی طبی امداد فراہم کرنے کے بعد حیدرآباد کے پرائیویٹ اسپتال منتقل کردیا گیا۔
