ضلع نارائن پیٹ میں کپاس کے کسانوں نے احتجاج منظم کیا

 ضلع نارائن پیٹ میں کپاس کے کسانوں نے احتجاج منظم کیا

تلنگانہ کے ضلع نارائن پیٹ میں کپاس کے کسانوں نے احتجاج کیا۔انہوں نے ان کی فصل پر اقل ترین امدادی قیمت نہ ملنے پریہ احتجاج کیا۔انہوں نے تشویش کااظہارکرتے ہوئے کہا کہ نمی کی مقدار کی وجہ سے کم قیمت پر کپاس خریدی جا رہی ہے۔ ضلع کے اپمپلی جننگ مل میں قومی شاہراہ پرہوئے اس احتجاج کے سبب کچھ دیرکیلئے کشیدگی پھیل گئی۔کسانوں نے مل مالکان پر ملی بھگت کا الزام لگایااورکہاکہ ان کو کم قیمت پر کپاس فروخت کرنے کے لئے مجبور کیاجارہا ہے۔ نارائن پیٹ مارکٹ سکریٹری بھارتی نے یقین دلایا کہ وہ اس مسئلہ کو حل کرنے کے لئے اقدامات کریں گی۔ان کی یقین دہانی کے بعد یہ احتجاج ختم کردیاگیا۔

#Cotton Farmers Protest