اے پی کے وجیانگرم میں تین بسیں شعلہ پوش
آندھراپردیش کے وجیانگرم میں راجیواسٹیڈیم کے قریب تین بسیں شعلہ پوش ہوگئیں۔یہ پرائیویٹ بسیں ٹہری ہوئی تھیں کہ اچانک ان میں آگ لگ گئی۔اس بات کی اطلاع فائربریگیڈ کے عملہ کو دی گئی جس نے وہاں پہنچ کرآگ پر قابو پایا۔اس واقعہ کی پولیس سے شکایت کی گئی۔پولیس اس بات کی جانچ کررہی ہے کہ بسوں میں یہ آگ اتفاقی طورپر لگی یا پھر لگائی گئی۔اس واقعہ میں یہ بسیں جل کرمکمل طورپر خاکستر ہوگئیں۔
