مندر کے قریب گوشت کے پائے جانے سے ہلکی کشیدگی
شہرحیدرآبادکے علاقہ مانصاحب ٹینک کی پوچماں بستی میں مندرکے قریب گوشت کے پائے جانے سے کچھ دیرکیلئے کشیدگی دیکھی گئی۔یہ واقعہ کل شب پیش آیا۔مقامی افراد جنہوں نے اس گوشت کو دیکھا، فوری طورپر مندرکمیٹی کے ارکان کو چوکس کیا جنہوں نے اس سلسلہ میں پولیس سے شکایت کی۔مقامی پولیس اس اطلاع کے ساتھ ہی وہاں پہنچ گئی اور اس علاقہ کا محاصرہ کرلیا۔اس علاقہ میں لگے سی سی ٹی وی فوٹیج کے تجزیہ پر پولیس کو پتہ چل کہ ایک کتے کے مالک نے کہیں اور سے گوشت کو لایااور مندرکے قریب رکھ دیا۔پولیس نے اس سی سی ٹی وی فوٹیج کو عام کرتے ہوئے شہریوں سے خواہش کی ہے کہ وہ افواہوں پر توجہ نہ دیں۔
