سکندرآباد ریلوے اسٹیشن پر مسافرین کے ہجوم میں اضافہ
سکندرآباد ریلوے اسٹیشن پر مسافرین کے ہجوم میں اضافہ درج کیاگیا ہے۔ دسہرہ کے موقع پر شہر حیدرآباد کے مختلف علاقوں میں مقیم افراداپنے آبائی مقامات پر اپنوں کے ساتھ چھٹیاں منانے کیلئے روانہ ہوئے۔ گزشتہ روز سے پرائیویٹ تعلیمی اداروں نے بھی چھٹیاں دے دی ہیں اور طلباء بھی اپنے مواضعات روانہ ہوئے۔ دوسری جانب ساؤتھ سنٹرل ریلوے مسافروں کے ہجوم کو مدنظر رکھتے ہوئے خصوصی ٹرینیں چلا نے کے انتظامات کئے ہیں۔ ریلوے حکام کا کہنا ہے کہ مسافروں کے لیے بغیر کسی پریشانی کے تمام انتظامات کیے گئے ہیں۔
