جنگاؤں، 16 ستمبر — ضلع صدی پیٹ کے چیریال ٹاؤن میں آج جشن میلاد النبی صلی اللہ علیہ وسلم کی پر مسرت تقریب منائی گئی۔ سید خواجہ امام الدین اقبال بیابانی، سابق صدر انجمن اسلامیہ چیریال اور بھارت راشٹر سمیتی کے سینیئر اقلیتی قائد کی رہائش گاہ پر ہر سال کی طرح اس بار بھی زیارت اثار مبارک صلی اللہ علیہ وسلم کا روایتی جوش و خروش کے ساتھ اہتمام کیا گیا۔
تقریب میں ٹاؤن اور قریبی علاقوں کے ہزاروں عاشقان رسول اللہ نے زیارت کے شرف حاصل کیا اور اپنے حب نبوی صلی اللہ علیہ وسلم کا ثبوت دیا۔ اس موقع پر یوتھ لیڈر سید خواجہ نجم الدین افروز بیابانی اور دیگر اہم شخصیات بھی موجود تھیں۔
میلاد النبی صلی اللہ علیہ وسلم کے تناظر میں عوام کے لیے کھانے کا انتظام بلا لحاظ مذہب، ملت یا سیاسی وابستگی کے کیا گیا تھا، جو کہ ایک خوبصورت اور جامع پیغام کا عکاس تھا۔
