تلنگانہ کے سیلاب زدگان کیلئے اے پی کے نائب وزیراعلی کا ایک کروڑروپئے کا عطیہ

آندھراپردیش کے نائب وزیراعلی اور تلگو فلموں کے مشہور اداکار پون کلیان نے آج وزیراعلی تلنگانہ، ریونت ریڈی سے ملاقات کی۔ یہ ملاقات حیدرآباد کے علاقے جوبلی ہلز میں ریونت ریڈی کی قیامگاہ پر ہوئی۔

ملاقات کے دوران، پون کلیان نے ریاست تلنگانہ میں حالیہ سیلاب سے متاثرہ افراد کی مدد کے لیے وزیراعلی ریلیف فنڈ میں ایک کروڑ روپے کا عطیہ پیش کیا۔ یہ چیک انہوں نے وزیراعلی کو بطور امداد پیش کیا۔

بعد ازاں، دونوں رہنماوں نے تلنگانہ اور آندھراپردیش کے درمیان بہتر تعلقات اور دیگر امور پر تفصیلی تبادلہ خیال کیا۔