تلنگانہ:کالاجادو کے شبہ میں ایک شخص کو مبینہ طور پر مارپیٹ کر ہلاک کردیا

کالے جادو کے شبہ میں تلنگانہ کے ضلع میدک میں ایک چونکا دینے والے واقعے میں منگل کی دیر رات گاؤں والوں نے ایک شخص کو مبینہ طور پر مارپیٹ کر ہلاک کردیا۔ یہ واقعہ ضلع کے گولہ گوڑم گاؤں میں پیش آیا۔ مہلوک کی شناخت راملو کے طور پر کی گئی ہے۔

گاؤں والوں نے راملو کو بچانے کی کوشش کرنے والی دو خواتین پر بھی حملہ کیا۔ بعض مقامی افراد نے دونوں خواتین کو بچانے کے لیے کوشش کی اور انہیں جوگی پیٹ کے سرکاری اسپتال منتقل کیا۔ پولیس نے مقدمہ درج کر کے جانچ شروع کردی ہے۔