بجلی کا پول گرنے کے نتیجہ میں ایک چارسالہ لڑکے کی موت ہوگئی۔یہ واقعہ تلنگانہ کے جوگولامباگدوال ضلع میں پیش آیا۔تفصیلات کے مطابق عالم پورٹاون کی سنگامیشورکالونی میں بجلی کے تاروں پر درختوں کی شاخوں کے گرنے کی شکایات موصول ہوئیں جس پر گذشتہ روزبجلی کی سپلائی کو بند کرتے ہوئے کام کیاجارہا تھا۔درخت کی شاخ بجلی کی لائن پر گرپڑی جس کے نتیجہ میں بجلی کا پول ٹوٹ کر چارسالہ لڑکے جس کی شناخت مہیش کے طورپر کی گئی ہے گرپڑا۔اس واقعہ میں مہیش شدید زخمی ہوگیا۔اس کوعلاج کے لئے اسپتال منتقل کیاگیاتاہم ڈاکٹرس نے اس کو مردہ قراردیا۔اس واقعہ پر محکمہ بجلی کی لاپرواہی کا الزام لگاتے ہوئے مہیش کے ارکان خاندان نے احتجاج کیا۔
