تلنگانہ:قرض معافی نہ ہونے پر پریشان کسانوں کی بڑی تعداد بینک پہنچ گئی

نارائن پیٹ میں ایس بی آئی کے قریب کشیدگی دیکھی گئی کیونکہ بینک کے سامنے اچانک پریشان حال کسانوں کی بڑی تعداد جمع ہوگئی۔ان الجھن کے شکار کسانوں میں سے بعض نے کہاکہ کانگریس حکومت کی جانب سے کئے گئے وعدہ کے مطابق ان کے فصل کے قرضہ جات معاف نہیں کئے گئے جبکہ بعض نے کہا کہ اگرچہ کہ وہ اس قرض کی معافی کی اسکیم کے لئے اہل تھے تاہم ان کے قرضہ جات معاف نہیں کئے گئے۔کسانوں کی بڑی تعداد دیکھ کر بینک کی گیٹ بند کردی گئی۔واضح رہے کہ حکومت نے چند دن پہلے کہاتھا کہ بعض تکنیکی مسائل کی وجہ سے بعض کسانوں کے قرضہ جات معاف نہیں کئے جاسکے۔ان تکنیکی مسائل کو دور کرنے کے لئے حکومت مساعی کررہی ہے۔