حیدرآباد: حیدرآباد میں سی بی آئی عدالت کے خصوصی جج نے ساؤتھ سنٹرل ریلوے (ایس سی آر) کے سابق کمرشل پورٹر آف ایس آر ڈی سی ایم منالا پروین کو رشوت ستانی کے معاملے میں جرمانہ کے ساتھ دو سال کی قید بامشقت کی سزا سنائی ہے۔
سی بی آئی نے 24 جون 2014 کو منالا پروین کے خلاف مقدمہ درج کیا تھا۔ ان کے خلاف الزام تھا کہ انہوں نے شکایت کنندہ سے 40,000 روپے کی رشوت طلب کی تھی۔ مبینہ طور پر یہ رشوت سی بی آئی حکام کے ساتھ اپنے اثر و رسوخ کا استعمال کرکے شکایت کنندہ کے خلاف زیر التواء مبینہ شکایت کو بند کرنے کے لیے دی گئی تھی۔
سی بی آئی کے ایک بیان میں جمعہ کے روز کہا گیا کہ سی بی آئی نے 27 دسمبر 2014 کو پروین کے خلاف چارج شیٹ داخل کی تھی۔ مقدمے کی سماعت مکمل ہونے کے بعد، عدالت نے اسے قصوروار پایا اور اس کے مطابق سزا سنائی۔
