شہرحیدرآباد کے علاقہ گوشہ محل کے چانکہ واڑی میں اچانک سڑک ٹوٹ گئی جس کے نتیجہ میں ایک ڈی سی ایم الٹ گئی۔اس واقعہ کے بعد اس سڑک پر گاڑیوں کی آمد ورفت روک دی گئی۔اس واقعہ کے وقت گاڑی کے قریب کوئی نہیں تھا اس لیے بڑا حادثہ ٹل گیا۔ اطلاع ملنے پر پولیس نے موقع پر پہنچ کر امدادی کارروائیاں شروع کر دیں۔ سڑک ٹوٹنے کی وجہ سے شدید ٹریفک جام ہوگیا اور پولیس ٹریفک کو بحال کروانے کی بھرپور کوشش کررہی ہے۔ دریں اثناء نئی تعمیر شدہ سڑک منہدم ہونے سے مقامی عوام میں خوف پایا جاتا ہے۔
