آپس میں اور لڑو: عمر عبداللہ

نئی دہلی، 8 فروری: کانگریس کی قیادت والے انڈیا اتحاد کے ایک اتحادی نیشنل کانفرنس کے رہنما اور جموں و کشمیر کے وزیر اعلیٰ عمر عبداللہ نے دہلی اسمبلی انتخابات کے رجحانات پر سخت طنز کیا ہے، جس میں عام آدمی پارٹی اقتدار سے باہر ہوتی دکھائی دے رہی ہے۔
مسٹر عبداللہ نے رجحانات پر ردعمل ظاہر کرتے ہوئے آج ایک سوشل میڈیا پوسٹ میں کہا "…اور آپس میں لڑو ” ۔ اس نے اپنی پوسٹ کے ساتھ ایک مختصر ویڈیو جی آئی ایف کے ساتھ ایک بابا کو یہ کہتے ہوئے دکھایا ہے ” جی بھر کے لڑو۔ ایک دوسرے کو ختم کرو۔” تاہم ویڈیو میں آواز نہیں ہے بلکہ نقل کی گئی ہے۔
دہلی میں برسراقتدار وزیر اعلیٰ اروند کیجریوال کی قیادت والی عام آدمی پارٹی (آپ) انڈیا اتحاد کا حصہ ہے لیکن دہلی اسمبلی انتخابات میں کانگریس اور عام آدمی پارٹی نے ایک دوسرے کے خلاف مقابلہ کیا۔ قبل ازیں مسٹر عبداللہ نے دہلی اسمبلی انتخابات میں انڈیا اتحاد کے درمیان ہم آہنگی کے فقدان پر کانگریس کے بیان پر ردعمل ظاہر کیا تھا اور کہا تھا کہ اگر یہ اتحاد لوک سبھا انتخابات کے لیے تھا تو اسے ختم کر دیاجانا چاہیے۔ کانگریس نے کہا تھا کہ یہ اتحاد صرف لوک سبھا انتخابات کے لیے ہے۔
دہلی اسمبلی انتخابات کے رجحانات کے مطابق عام آدمی پارٹی شکست کی طرف بڑھ رہی ہے، جب کہ بھارتیہ جنتا پارٹی اکثریت حاصل کر رہی ہے۔ کانگریس کو ایک بھی سیٹ ملنے کا امکان نہیں ہے۔ کانگریس کی ترجمان سپریہ سرینیت نے کہا کہ عام آدمی پارٹی کو جتانے کی ذمہ داری کانگریس کی نہیں ہے۔