جی آئی او تلنگانہ کے وفد کی، رکن قانون ساز کونسل کلواکنٹلہ کویتا سے ملاقات
جی آئی او تلنگانہ کے وفد کی، رکن قانون ساز کونسل کلواکنٹلہ کویتا سے ملاقات
حیدرآباد۔(آداب تلنگانہ نیوز)، جی آئی او (گرلز اسلامک آرگنائزیشن) تلنگانہ کے ایک وفد نے آج کے کویتا رکن قانون ساز کونسل بی آر ایس ان کی قیام گاہ واقع بنجارہ ہلز پہنچ کر ملاقات کی۔اس موقع پر جی آئی او کے وفد نے تنظیم کی جانب سے سال نو کی خصوصی ڈائری کلواکنٹلہ کویتا کو پیش کی۔ جی آئی او کے نمائندوں نے تنظیم کے مشن، کارکردگی اور آئندہ منصوبوں پر روشنی ڈالی اور سماجی و تعلیمی میدان میں خواتین کی ترقی کے حوالے سے اپنی کوششوں سے واقف کروایا۔کویتا نے جی آئی او کی خدمات کی ستائش کی اور کہا کہ خواتین کی تعلیمی اور سماجی ترقی میں اس طرح کی تنظیموں کا کردار نہایت اہمیت کا حامل ہوتا ہے۔ انہوں نے جی آئی او کی ٹیم کے ساتھ نیک خواہشات کا اظہار کیا اور اپنی جانب سے بھرپور تعاون کا یقین دلایا۔وفد میں صدر تلنگانہ جی آئی او اصفیہ انعم، سٹی سکریٹری جی آئی اوثانیہ مریم، سی اے سی رکن جی آئی او حیدرآباد امة السلام شفا، نحا غلام رکن فیڈریل کمیٹی و نیشنل فیڈریشن جی آئی او شامل تھے۔
