دمشق، 4 دسمبر : اقوام متحدہ کے خصوصی ایلچی گیئر پیڈرسن نے کہا ہے کہ شام میں دہشت گردوں اور اپوزیشن فورسز نے اب 70 لاکھ آبادی والے علاقے پر قبضہ کر لیا ہے۔

مسٹر پیڈرسن نے منگل کے روز اقوام متحدہ کی سلامتی کونسل کو بتایا کہ سلامتی کونسل کی فہرست میں شامل دہشت گرد گروپ حیات تحریر الشام، جسے پہلے نصرہ فرنٹ کے نام سے جانا جاتا تھا، جس پر روس کی طرف سے پابندیاں عائد ہیں اور شامی نیشنل آرمی سمیت مسلح اپوزیشن گروپ ، غیر سرکاری عناصر کے کنٹرول میں بہت بڑا علاقہ آ گیا ہے۔ یہ گروپ اب اصل میں اس علاقے کو کنٹرول کررہے ہیں، جس میں تقریباً 70 لاکھ افراد آباد ہیں۔ اس میں شام کا دوسرا سب سے بڑا شہر حلب اور 20 لاکھ سے زیادہ لوگوں کا ایک وسیع اور متنوع شہر شامل ہے۔

واضح رہے کہ حیات تحریر الشام دہشت گرد گروہ اور کئی دوسرے مسلح گروہوں نے 29 نومبر کو شامی حکومت کے خلاف بڑے پیمانے پر آپریشن شروع کیا جو ادلب کے شمال مغربی علاقے سے حلب اور حما کے شہروں کی طرف پیش قدمی کررہا تھا۔

شامی فوج کی کمان نے یکم دسمبر کو اعلان کیا تھا کہ حما کے علاقے میں عسکریت پسندوں کی سرگرمیاں روک دی گئی ہیں اور سرکاری دستوں نے جوابی کارروائی شروع کر دی ہے، جس میں عسکریت پسندوں کے ذریعے پہلے زیر قبضہ کئی بستیوں کا کنٹرول حاصل کر لیا گیا ہے۔