تلگواداکاررام چرن نے امین پیر درگاہ پرحاضری دی
تلگواداکاررام چرن نے امین پیر درگاہ پرحاضری دی
تلگوفلموں کے مشہور اداکاررام چرن نے آندھراپردیش کے کڑپہ کی مشہور امین پیردرگاہ جس کو پدادرگاہ بھی کہاجاتا ہے پرحاضری دی اورچادرگل پیش کی۔اس موقع پردرگاہ کے ذمہ داروں نے ان کو درگاہ شریف کی تفصیلات سے واقف کروایا۔اداکار نے عرس کی تقاریب کے حصہ کے طورپر مشاعرہ میں بھی شرکت کی۔قبل ازیں وہ حیدرآباد کے بیگم پیٹ ایرپورٹ سے خصوصی طیارہ میں کڑ پہ پہنچے۔ رام چرن کی آمد کی اطلاع ملتے ہی ان کے مداحوں کی بڑی تعداد ان کے استقبال کے لیے ایئرپورٹ پہنچ گئی۔اسی دوران آسکر ایوارڈ یافتہ اے آر رحمان نے اپنے خاندان کے ساتھ صندل کی تقریب میں شرکت کی۔ رام چرن، جو شنکر کی ہدایت کاری میں بنی گیم چینجر فلم کی تشہیر کررہے ہیں نے درگاہ کے منتظمین سے وعدہ کیا ہے کہ اگر ممکن ہوا تو وہ دوبارہ درگاہ شریف پر حاضری دیں گے۔ ۔ رام چرن کی آمد کے پیش نظر مداح بڑی تعداد میں پہنچ گئے۔
