ضعیف خاتون کے گلے سے طلائی زیورچھین لیاگیا
تلنگانہ کے سنگاریڈی ضلع میں ایک 80 سالہ خاتون کی طلائی چین چھیننے کی واردات پیش آئی۔ضلع کے پٹن چیرو کی شانتی نگر کالونی میں ایک بائیک سوار، خاتون کے پاس سے گذرتے ہوئے اس کے منگل سوتر کو چھین کرفرارہوگیا۔پولیس حکام کے مطابق، خاتون، جس کی شناخت سومالکشمی کے طور پر کی گئی ہے، اپنے گاؤں کے باہر پوجا کر رہی تھی کہ یہ واقعہ پیش آیا۔ پولیس علاقہ سے سی سی ٹی وی فوٹیج کا پتہ لگا کر رہزن کی شناخت کی کوشش کر رہی ہے۔
