تلنگانہ:کلکٹر کی گاڑی پرحملہ کاواقعہ،55افرادگرفتار

حیدرآباد12نومبر: فارماکمپنی کے خلاف تلنگانہ کے ضلع وقارآبادمیں کلکٹر کی گاڑی پر ہوئے حملہ کے واقعہ کاسخت نوٹ لیتے ہوئے پولیس نے اس واقعہ کے سلسلہ میں 55 افراد کو گرفتار کرلیا۔ ڈڈیالہ، کوڑنگل اور بوم راستی پیٹ منڈلوں میں انٹرنیٹ خدمات معطل کردی گئیں۔ لگاچرلہ علاقہ میں پولیس کی بھاری نفری تعینات کردی گئی ہے۔ کوڑنگل حلقہ میں پیش آئے اس واقعہ نے جس کی نمائندگی وزیراعلی ریونت ریڈی کررہے ہیں، نے ریاست بھر میں ہلچل مچا دی ہے کیونکہ مقامی کسانوں نے ضلع کلکٹر، ایڈیشنل کلکٹر، سب کلکٹر اور کوڑنگل ایریا ڈیولپمنٹ اتھارٹی (کڈا) کے اسپیشل آفیسر وینکٹ ریڈی کی گاڑیوں پر لاٹھیوں اور پتھروں سے حملہ کرنے کی کوشش کی۔ کلکٹر اور ایڈیشنل کلکٹر وہاں سے چلے گئے لیکن اسپیشل آفیسر وینکٹ ریڈی شدید زخمی ہوگئے ۔