دکن بلاسٹرس کے زیر اہتمام جاب میلوں کا سلسلہ جاری
ریڈ روز فنکشن ہال میں منعقدہ جاب میلہ میں زائد از 200 امیدواروں کو روزگار حاصل:منان خان
دکن بلاسٹرس کے زیر اہتمام جاب میلوں کا سلسلہ جاری
ریڈ روز فنکشن ہال میں منعقدہ جاب میلہ میں زائد از 200 امیدواروںکو روزگار حاصل:منان خان
آر آر گروپ آف کمپنیز کے اشتراک سے دکن بلاسٹرس کے بانی منان خان انجینئر کی جانب سے ریڈروز فنکشن ہال میں ایک کامیاب جاب میلہ کا انعقاد عمل میں آیا۔ اس جاب میلے کا مقصد نوجوانوں کو روزگار کے مواقع فراہم کرنا تھا، جس میں بلا لحاظ مذہب و ملت امیدواروں کو نوکریاں فراہم کی گئیں۔
تقریب میں شہر کی مشہور و معروف کمپنیاں موجود تھیں، جنہوں نے امیدواروں کے انٹرویوز کئے اور تقریباً 200 امیدواروں نے مختلف شعبوں میں نوکریاں حاصل کیں۔ اس جاب میلے نے نوجوانوں کو روزگار کے بہترین مواقع فراہم کیے اور ان کی حوصلہ افزائی کی۔
منان خان انجینئر نے اس موقع پر کہا کہ ان کا مقصد نوجوانوں کو باعزت روزگار کے مواقع فراہم کرنا ہے تاکہ وہ اپنے مستقبل کو روشن بنا سکیں۔ انہوں نے حال ہی میں دبئی میں بھی ایک جاب میلہ منعقد کیا تھا، جو کامیابی سے ہمکنار ہوا اور وہاں بھی بے شمار امیدواروں کو روزگار کے مواقع فراہم کئے گئے۔
آر آر گروپ آف کمپنیز کے نمائندے نے بھی اس جاب میلے کو سراہا اور اس طرح کے مزید پروگرامز کے انعقاد کی امید ظاہر کی۔
