دوست کی سالگرہ، کتے سے بچنے ہوٹل کی تیسری منزل سے گرکرنوجوان ہلاک

ہوٹل میں دوست کی سالگرہ کی تقریب کے دوران کتے سے بچنے کی کوشش میں ایک نوجوان ہوٹل کی عمارت سے گرپڑا جس کے نتیجہ میں اس کی موت ہوگئی۔یہ واقعہ شہرحیدرآباد کے چندانگرپولیس اسٹیشن کے حدود کی ایک ہوٹل میں پیش آیا۔

اس نوجوان کی شناخت پالی ٹکنک کے طالب علم 24سالہ اُودے کے طورپر کی گئی ہے جو اپنے ایک دوست کی سالگرہ کی تقریب میں شرکت کیلئے اس ہوٹل میں دوسرے دوستوں کے ساتھ پہنچاتھا۔اس تقریب کے موقع پر وہ ہوٹل کی بالکنی میں پہنچا جہاں اچانک کتے نے اس کا پیچھا کیا جس پر کتے سے بچنے کے دوران اس نے توازن کھودیااور اچانک وہ ہوٹل کی تیسری منزل سے گرپڑاجس کے نتیجہ میں اس کی موت ہوگئی۔

اس واقعہ کا ویڈیو ہوٹل میں لگے سی سی ٹی وی کیمروں میں قید ہوگیا۔اطلاع ملتے ہی پولیس وہاں پہنچی جس نے لاش کو پوسٹ مارٹم کے لئے گاندھی اسپتال منتقل کردیا۔پولیس نے اس سلسلہ میں ایک معاملہ درج کرکے جانچ شروع کردی۔

#Hotel fall death