وزیراعلیٰ آندھرا پردیش چندرابابو نائیڈو نے صنعت کاروں کو ریاست میں سرمایہ کاری کی دعوت دی

آندھرا پردیش کے وزیر اعلیٰ این چندرا بابو نائیڈو نے آج صنعت کاروں اور سرمایہ کاروں کو ریاست میں سرمایہ کاری کرنے کی دعوت دیتے ہوئے کہا ہے کہ موجودہ وقت ریاست میں سرمایہ کاری کے لیے بہترین ہے۔ انہوں نے زور دیا کہ آندھرا پردیش میں کاروبار کے فروغ کے لیے انتہائی سازگار ماحول فراہم کیا گیا ہے، جس کا مقصد ملک کا بہترین کاروباری ماحولیاتی نظام بنانا ہے۔

ریاستی کابینہ کی جانب سے حال ہی میں چھ نئی پالیسیوں کی منظوری دی گئی ہے، جن کا مقصد صنعتوں کے فروغ کے ساتھ ساتھ سرمایہ کاروں کو سہولت فراہم کرنا ہے۔

وزیر اعلیٰ نائیڈو نے سوشل میڈیا پلیٹ فارم X پر ایک پیغام جاری کرتے ہوئے کہا،”معزز صنعت کار اور سرمایہ کار، آندھرا پردیش اب نئی بہترین پالیسیوں کے ساتھتیار ہے۔ میں آپ کو اپنی ریاست میں سرمایہ کاری کرنے کی دعوت دے رہا ہوں، ۔

اے پی میں ایک کاروباری دوست حکومت، باصلاحیت نوجوان نسل، اور مضبوط انفراسٹرکچر آپ کا منتظر ہے۔”نائیڈو نے مزید کہا کہ نئی پالیسیوں کا فریم ورک صنعت کے ماہرین کے ساتھ مشاورت سے تیار کیا گیا ہے تاکہ ریاست میں کاروباری سرگرمیوں کو فروغ دیا جا سکے۔

#Andhra Pradesh investment