مستحکم سماج کیلئے تمام کو مل کرکام کرنا چاہئے:بنڈی سنجے
وجے دشمی کے دن کے موقع پر، مرکزی مملکتی داخلہ بنڈی سنجے نے ایک مستحکم سماج کی تعمیر کے لیے تمام کو مل کر کام کرنے کی خواہش کی۔انہوں نے بی جے پی لیڈروں کے ساتھ تلنگانہ کے کریم نگرضلع میں پوجا کی۔بعد ازاں میڈیا سے بات کرتے ہوئے انہوں نے تمام کو وجے دشمی کی مبارکباد دی۔ انہوں نے کہا کہ ہمیں خود غرضی کو چھوڑ کر ایک طاقتور معاشرہ کی تعمیر کے لیے مل کر کام کرنے کی ضرورت ہے۔ ہمیں ماضی میں ہونے والی اچھی اور بری چیزوں کا تقابل کرنا چاہئے اور اچھی چیزوں کے لئے پرارتھناکرنی چاہئے۔ انہوں نے کہاکہ ہر کسی کو اچھے خیالات رکھنا چاہئے۔ وزیر اعظم نریندر مودی کی قیادت میں طاقتور ہندوستان کی تعمیر کے پروگرام بغیر کسی رکاوٹ کے کامیاب ہونے چاہئیں۔انہوں نے کہا کہ وہ چاہتے ہیں کہ ہندوستان کو وشو گرو بنانے کی مودی کی کوششیں رنگ لائیں۔
