پنکھاکھولنے کیلئے سوئچ آن کرنے کے دوران بجلی کا جھٹکہ، لڑکی کی موت
گھرمیں پنکھاکھولنے کیلئے سوئچ آن کرنے کے دوران بجلی کا جھٹکہ لگنے سے لڑکی کی موت ہوگئی۔یہ واقعہ تلنگانہ کے بھدرادری کوتہ گوڑم ضلع میں پیش آیا۔تفصیلات کے مطابق لڑکی جس کی شناخت 12سالہ سواپنا کے طورپر کی گئی ہے،گھر میں پنکھاکھولنے کیلئے سوئچ کو آن کرنے کے دوران بجلی کا جھٹکہ لگنے سے بے ہوش ہوگئی۔اس کو اسپتال منتقل کیاگیا جہاں ڈاکٹرس نے اس کو معائنہ کے بعد مردہ قراردیا۔پولیس نے اس سلسلہ میں ایک معاملہ درج کرلیا۔
