اے پی سے گانجہ ممبئی اسمگل کرنے کی کوشش۔تین افرادگرفتار
آندھراپردیش کے وجئے واڑہ میں بڑے پیمانہ پر گانجہ ضبط کیاگیا۔ڈی آرآئی نے 1.61کروڑروپئے مالیت کا 808کلوگانجہ ضبط کرتے ہوئے تین افراد کو گرفتار کرلیا۔عہدیداروں نے جگم پیٹ کرشناورم ٹول پلازہ کے قریب اس گانجہ کو ضبط کیا۔سبزی کی منتقلی کے بہانے ممنوعہ شئے کی اسمگلنگ ممبئی کرنے کی کوشش کی جارہی تھی تاہم اس سلسلہ میں ایک اطلاع پر ڈی آرآئی کے عہدیداروں نے اس گانجہ کوضبط کرتے ہوئے تین افراد کو گرفتار کرلیا۔عہدیداروں نے جرم میں استعمال گاڑی بھی ضبط کرلی۔
