شہد کی مکھیوں کا حملہ۔ محکمہ بجلی کا ایک لائن مین اور تین دیگر زخمی
شہد کی مکھیوں کے حملے میں محکمہ بجلی کا ایک لائن مین اور تین دیگر زخمی ہو گئے۔یہ واقعہ تلنگانہ کے جئے شنکربھوپال پلی میں پیش آیا۔ذرائع کے مطابق لائن مین جس کی شناخت بی انیل کے طورپر کی گئی ہے، بمبلا گڈہ کے قریب بجلی کے تاروں کی مرمت کر رہا تھا کہ اچانک شہد کی مکھیوں نے اس پر حملہ کر دیا۔ان مکھیوں نے وہاں موجود تین دیگر افراد پر بھی حملہ کردیا۔ مقامی افرادنے زخمیوں کو فوری طور پر بھوپال پلی کے ایک پرائیویٹ اسپتال منتقل کیا، جہاں ان کا علاج جاری ہے۔
