چارمینار کے قریب گاڑی میں ساﺅنڈ سسٹم میںآگ بھڑک اٹھی

چارمینار کے قریب گاڑی میں ساﺅنڈ سسٹم میںآگ بھڑک اٹھی
میلاد جلوس کے دوران سانحہ۔کوئی جانی نقصان نہیں

حیدرآباد۔19ستمبر(آداب تلنگانہ نیوز)شہر حیدرآباد میں آج میلاد النبی جلوس کے دوران چارمینار کے قریب ایک گاڑی میں اچانک ساﺅنڈ سسٹم یا جنریٹر میں آگ بھڑک اٹھی۔واقعہ کے وقت جلوس جاری تھا اور جلوس میںسینکڑوں نوجوان موجود تھے۔اس واقعہ میں خوش قسمتی سے کوئی جانی نقصان نہیںہوا۔واضح رہے کہ آ ج تاریخی مکہ مسجد سے بعدنماز ظہر میلاد جلوس نکالاگیا۔صبح سے ہی نوجوانوں میں کافی جوش وخروش دیکھاگیا۔جلوس میںہزاروں افراد نے شرکت کی۔چارمینار کے قریب ایک گاڑی میں ساﺅنڈ سسٹم موجود تھا جس میں اچانک آگ لگ گئی اور دیکھتے ہی دیکھتے آگ کے شعلہ بھڑک اٹھے۔اس وقت جلوس جاری تھا اور نوجوان جشن میں مصروف تھے۔اطلاع ملتے ہی آتش فرو عملہ فی الفور مقام واقعہ پرپہنچ گیا اور آگ پر قابو پالیاگیا۔وہاں متعین پولیس ملازمین نے بھی فی الفور چوکسی اختیار کی اور ہجوم کو یہاں سے ہٹادیا۔واقعہ میں کوئی جانی نقصان نہیں ہوا ۔آگ لگنے کی وجوہات جاننے کےلئے تحقیقات کاآغاز کردیاگیاہے۔جلوس کے دوران آگ لگنے کے واقعہ کے باعث کچھ دیرکےلئے علاقہ میں افراتفری کا ماحول دیکھاگیا۔فائر عملہ کی بروقت کارروائی کے باعث حالات جلد ہی معمول پرآگئے ۔پولیس اور دیگر امدادی ٹیمیں بھی مقام واقعہ پر موجود تھی۔اس طرح ایک بڑا سانحہ ٹل گیا۔