بنڈلہ گوڑہ: حیدرآباد کے کیرتی رچمنڈ ولاز میں 16 ستمبر کی رات دیر گئے گنیش کے لڈو کا 1,87,36,500 یا 1.87 کروڑ روپئے میں ہراج عمل میں آیا۔ یہ پچھلے سال کے مقابلے میں 61 لاکھ روپے زیادہ ہے۔
گزشتہ سال لڈو 1.26 کروڑ روپے میں ہراج ہوا تھا۔ تاہم، منتظمین کی جانب سے اس سال خریدار کے نام کا انکشاف نہیں کیا گیا۔ پچھلے چند برسوں سے کیرتی رچمنڈ ولاز کے لڈو ریاست میں گنیش چتورتھی کی تقریبات کے دوران سب سے مہنگے فروخت ہونے والے لڈو بن گئے ہیں۔
2022 میں یہ لڈو 60 لاکھ روپے میں فروخت ہوا تھا، اور ہر سال اس کی قیمت میں نمایاں اضافہ دیکھا جا رہا ہے۔
