عادل آباد شہر میں یو م ولادت سرور کائناتؐ کا جوش و خروش کے ساتھ اہتمام

عادل آباد شہر میں یوم ولادت سرور کائنات صلی اللہ علیہ وسلم کے مبارک موقع پر ہر سال کی طرح امسال بھی جشن میلاد النبی صلی اللہ علیہ وسلم جوش و خروش کے ساتھ منایا گیا۔ مسجد ظہرا کے تحت محلہ خانہ پور میں حضرت مولانا ذاکر حسین کامل الفقہ جامعہ نظامیہ کی نگرانی میں حضور اقدس حضرت محمد صلی اللہ علیہ وسلم کی یوم پیدائش کی مناسبت سے جشن میلاد النبی صلی اللہ علیہ وسلم کا اہتمام کیا گیا۔

اس موقع پر حضرت مولانا ذاکر حسین نے فرمایا کہ حضرت محمد صلی اللہ علیہ وسلم کو اللہ تعالیٰ نے تمام انسانوں کی ہدایت کے لیے رسول اور سارے جہانوں کے لیے رحمت بنا کر بھیجا ہے۔ رسول اللہ صلی اللہ علیہ وسلم کی میلاد مبارک ساری انسانیت بالخصوص ایمان والوں پر اللہ تعالیٰ کا ایک عظیم احسان ہے۔ انہوں نے رسول اللہ صلی اللہ علیہ وسلم کی تعلیمات کو اپنانے اور آپ کی سیرت کا مطالعہ کرنے کا مشورہ دیا۔

حضرت مولانا ذاکر حسین نے میڈیا کو مزید تفصیلات سے بھی آگاہ کیا۔