ڈی جی پی جتیندر ریڈی کا کمشنرس کے ہمراہ گنیش جلوس کی روٹ کا معائنہ

حیدرآباد۔ 14 ستمبر (آداب تلنگانہ نیوز) ڈائریکٹر جنرل آف پولیس تلنگانہ ڈاکٹر جتیندر نے کمشنر پولیس حیدرآباد سی وی آنند، کمشنر پولیس رچہ کونڈہ جی سدھیر بابو اور دیگر عہدیداروں کے ہمراہ آج بالاپور تا ٹینک بنڈ گنیش جلوس کے روٹ کا تفصیلی معائنہ کیا۔

اس موقع پر میڈیا کے نمائندوں سے بات کرتے ہوئے سی وی آنند نے کہا کہ شہر میں گنیش وسرجن جلوس اور میلاد النبی ﷺ کے لیے تمام انتظامات روبہ عمل لائے گئے ہیں۔ انہوں نے کہا کہ گریٹر حیدرآباد میونسپل کارپوریشن، مال، برقی اور دیگر محکمہ جات کے عہدیداروں کے ہمراہ جلوس کے تمام اہم اور چھوٹے راستوں کا تفصیلی معائنہ کیا گیا ہے۔

سی وی آنند نے مزید کہا کہ ہمیں یقین ہے کہ کوئی بھی ناخوشگوار واقعہ پیش نہیں آئے گا اور تہوار پرامن طور پر گزر جائیں گے۔ انہوں نے عوام سے درخواست کی کہ وہ پولیس کے ساتھ تعاون کریں۔