غزہ، 12 ستمبر: غزہ کی پٹی میں بے گھر لوگوں کو پناہ دینے والے اقوام متحدہ کے اسکول پر بدھ کے روز اسرائیلی فضائی حملے میں کم از کم 14 فلسطینی شہید اور 10 دیگر زخمی ہوگئے۔
فلسطینی سکیورٹی ذرائع نے ژنہوا کو بتایا کہ اسرائیلی جنگی طیارے نے النصرہ پناہ گزین کیمپ میں واقع اسکول پر ایک میزائل داغا۔ طبی ذرائع نے بتایا کہ حملے میں 14 افراد جاں بحق اور 10 زخمی ہوئے ہیں۔ دریں اثناء، حماس کے زیر انتظام غزہ حکومت کے میڈیا آفس نے تصدیق کی کہ امدادی عملہ بھی متاثرین میں شامل ہیں۔
دوسری جانب، اسرائیل ڈیفنس فورسز (IDF) نے ایک بیان جاری کرکے کہا ہے کہ اسرائیلی فضائیہ نے النصرہ کیمپ کے علاقے میں حماس کے کمانڈ اینڈ کنٹرول سینٹر کے اندر سرگرم دہشت گردوں پر درست حملہ کیا۔ بیان میں کہا گیا ہے کہ حماس کے دہشت گرد کمپلیکس میں بنائے گئے مرکز کو IDF فوجیوں اور اسرائیل کے خلاف حملوں کی منصوبہ بندی اور انجام دینے کے لیے استعمال کرتے ہیں۔ یہ کمپلیکس پہلے الجونی اسکول کے طور پر کام کرتا تھا۔
اس سے قبل اسرائیل نے 6 جولائی کو بھی اقوام متحدہ کے زیر انتظام اسکول پر بمباری کی تھی، جس میں کم از کم 16 فلسطینی شہدی ہوئے تھے، جن میں زیادہ تر بچے اور خواتین تھیں۔
