حیدرآباد۔5ستمبر(آداب تلنگانہ نیوز) رکن اسمبلی تلگودیشم کونٹی آدیمولم کو جنسی زیادتی کے سنگین الزامات کے باعث پارٹی سے معطل کردیاگیا۔یہ تنازعہ اس وقت منظر عام پر آیا جب ضلع چتور کے ستےہ ویدو حلقہ اسمبلی کی ایک سینئر خاتون لیڈر نے آدیمولم پر دست درازی کا سنگین الزام عائد کیا۔تروپتی میں آج پریس کانفرنس سے خطاب کرتے ہوئے خاتون لیڈر نے ثبوت کے طور پر ایک ویڈیو بھی پیش کیا۔ جس میں ادعا کیاکہ رکن اسمبلی نے گزشتہ ماہ تروپتی کی ایک ہوٹل میں اس کے ساتھ نا مناسب حرکت کی۔ویڈیو جو کہ خفےہ طور پر پنسل کیمرے سے ریکارڈ کی گئی۔اس میں آدیمولم کو مبینہ طور پر بدسلوکی کرتے ہوئے دکھایاگیاہے۔خاتون نے دعویٰ کیاکہ آدیمولم نے پارٹی کے ایونٹس کے دوران ان کے نمبرات حاصل کئے اور غلط برتاﺅ کیا۔خاتون لیڈر نے
کہاکہ آدمی مولم نے ایک اجلاس کے بہانے انہیں ہوٹل کے کمرے میں بلایا جہاں رکن اسمبلی نے اس کے ساتھ جنسی زیادتی کی۔
خاتون نے یہ بھی الزام عائد کیا کہ آدیمولم نے اس معاملہ کو ظاہر کرنے پر انہیں اور ان کے خاندان کو قتل کی دھمکی دی اور تین مرتبہ اسی ہوٹل میں ریپ کیا۔ان الزامات کو بے نقاب کرنے کے عزم کے تحت، خاتون نے اپنی آخری ملاقات کے دوران خفیہ ویڈیو ریکارڈ کی۔
انہوں نے آدیمولم پر یہ بھی الزام عائد کیا کہ وہ ایک تسلسل سے مجرم ہیں اور کئی خواتین پر حملہ کر چکا ہے۔ان انکشافات کے بعد تلگودیشم نے فوری کارروائی کی۔ ریاستی صدرتلگودیشم پالا سرینواس راو نے ایک بیان میں کہا کہ پارٹی الزامات کو سنجیدگی سے لیتی ہے اور آدیمولم کو مزید تحقیقات تک معطل کرنے کا فیصلہ کیا گیاہے۔آدیمولم نے الزامات کی تردید کی ہے اور کہا ہے کہ یہ پارٹی کے رہنماوں کی سازش ہے۔
یہ اسکینڈل آندھرا پردیش کی سیاست میں ایک اہم ہنگامہ پیدا کر چکا ہے، جس کے نتیجے میں وسیع پیمانے پر احتجاج اور مزید کارروائی کی اپیلیں کی جا رہی ہیں۔تلگودیشم کی قیادت نے اس معاملے کی تحقیقات کا حکم دیا ہے، اور اگر الزامات کی تصدیق ہو گئی تو مزید تادیبی کارروائیاں، بشمول رکن اسمبلی کو عہدے سے ممکنہ استعفیٰ بھی پیش کرنا پڑسکتاہے۔
