تلنگانہ:کالج کے پرنسپل کی بجلی کا جھٹکہ لگنے سے موت
شہرحیدرآباد کے نواحی علاقہ گھٹکیسر میں کالج کے پرنسپل کی بجلی کا جھٹکہ لگنے سے موت ہوگئی۔ اس پرنسپل کی شناخت وگنان کالج کے 50سالہ سرینواس راؤ کے طورپر کی گئی ہے۔یہ واقعہ اس وقت پیش آیا جب سرینواس راؤ نے کیمپس میں چہل قدمی کرتے ہوئے پانی کے ایک گڑھے کو دیکھا اور لوہے کی سلاخ کا استعمال کرتے ہوئے اس سے پلاسٹک ہٹانے کی کوشش کی کہ اس کو بجلی کا جھٹکہ لگاجس کے نتیجہ میں وہ موقع پر ہی ہلاک ہوگیا۔سرینواس راؤ کے ایک ساتھی جس نے اسے زمین پر پڑا ہوا دیکھا، فوری طور پر بجلی کی سپلائی بند کردی۔ اسے ہسپتال منتقل کیا گیا جہاں ڈاکٹروں نے اسے مردہ قرار دے دیا۔ گھٹکیسر پولیس نے لاش کو پوسٹ مارٹم کے لیے گاندھی اسپتال منتقل کیا۔سرینواس راؤ، کھمم ضلع کاساکن ہے۔وہ ہاسٹل کیمپس میں رہتا تھا۔ پولیس کو شبہ ہے کہ مین ہول کے قریب رکاوٹیں ہٹاتے ہوئے بجلی کی تار ٹوٹ گئی اور زمین پر گر گئی جس کی وجہ سے سرینواس راو بجلی کا جھٹکہ لگنے سے ہلاک ہوگیا۔
