نامعلوم گاڑی کی ٹکر سے 60 سالہ ضعیف خاتون ہلاک
ضلع سنگاریڈی میں نامعلوم گاڑی کی ٹکر سے 60 سالہ ضعیف خاتون ہلاک ہوگئی۔مہلوک خاتون کی شناخت60سالہ سنتوشا ساکن ردرارم کے طور پر کی گئی ہے۔ یہ حادثہ اس وقت پیش آیا جب خاتون مصروف قومی شاہراہ 65کو عبورکررہی تھی کہ اسی دوران ایک گاڑی نے اسے ٹکر مار دی اورفرار ہو گئی ۔مقامی افراد گاڑی کی شناخت نہیں کر سکے۔ خاتون کی موقع پر ہی موت ہو گئی۔ پولیس سی سی ٹی وی فوٹیج کی جانچ کر کے گاڑی کا پتہ چلانے کی کوشش کررہی ہے۔اس سلسلہ میں معاملہ درج کرکے لاش کو پوسٹ مارٹم کے لئے بھیج دیاگیا۔
