حیدرآباد 24اگست: حیدرآبادڈیزاسٹرمینجمنٹ اینڈ ایسٹ پرویٹکشن ایجنسی(حیدرا)کے عہدیداروں نے ٹالی ووڈ کے سرکردہ اداکار ناگرجنا کی ملکیت والے این کنونشن سنٹرکوحیدرآباد کے جوبلی ہلز میں آج صبح منہدم کردیا۔حیدراکے عہدیداروں نے مقامی پولیس کے ساتھ مل کراین کنونشن کومنہدم کردیا۔اس کنونشن سنٹر کے تمڈی تالاب کے ایف ٹی ایل علاقہ میں تعمیر کئے جانے کے الزامات کے بعد اس کنونشن سنٹرکو منہدم کردیاگیا۔کنونشن سنٹر کومنہدم کرنے کے واقعہ پر اداکار ناگارجن نے سوشیل میڈیا کے پلیٹ فارم ایکس پر اپنے پوسٹ میں کہا کہ اس معاملہ میں عدالت کی جانب سے لگائی گئی روک کے خلاف غیر قانونی طورپران کے کنونشن سنٹرکومنہدم کرنے پرانہیں دکھ پہنچا ہے۔انہوں نے واضح کیا کہ جس اراضی پر یہ کنونشن سنٹرتعمیر کیاگیا تھا وہ پٹہ کی اراضی تھی اور تالاب کی ایک انچ اراضی پرغیر مجازقبضہ نہیں کیاگیا۔
