حیدرآباد۔16اگست(آداب تلنگانہ نیوز)شہر حیدرآباد میں آج شام بھی کچھ دیر کےلئے موسلادھار بارش ہوئی۔واضح رہے کہ جمعرات کی شام طوفانی بارش کے باعث عام زندگی مفلوج ہوکر رہ گئی تھی۔جمعہ کی صبح میں دھوپ کی تمازت دیکھی گئی تاہم شام کے اوقات میں دوبارہ موسم میں تبدیلی واقع ہوئی اور گھنے بادل چھاگئے اور تیزبارش ہوئی ۔سکندرآباد‘گچی باﺅلی‘کوکٹ پلی‘نظا م پیٹ‘ میڑچل‘ملک پیٹ‘مادھاپور کے علاوہ دیگر علاقوں میں بارش ہوئی ۔جس کی وجہ سے سڑکیں جھیل میں تبدیل ہوگئیں۔ٹریفک جام کی وجہ سے گاڑی سواروں کو مشکلات کاسامنا کرنا پڑا۔شہر میں 17اگست تک بارش کی پیش قیاسی کی گئی ہے۔ اس سلسلہ میں ریڈ الرٹ جاری کیاگیاہے۔
