شراب اور بری عادتوں سے اجتناب کی ترغیب
بدبخت بیٹے نے کلہاڑی سے باپ کا قتل کردیا
حیدرآباد۔10اگست(آداب تلنگانہ نیوز)ناگرکرنول ضلع کے تلکا پلی منڈل کے تحت گٹو نیلی کوڈورو موضع میں شراب اور بری عادتیں چھوڑدینے کی ترغیب دینے پر ایک بدبخت بیٹے نے کلہاڑی سے اپنے باپ کا قتل کردیا۔ےہ واقعہ ہفتہ کی اولین ساعتوں میں اس وقت پیش آیا جب 50سالہ سلطان اپنے مکان میں محوخواب تھا۔سلطان کا بیٹا ملیش حالت نشہ میں مکان پہنچا اور سلطان کو کلہاڑی سے قتل کردیا۔مقامی افراد نے فی الفور پولیس کو مطلع کیا۔پولیس مقام واقعہ پہنچ گئی اور ملیش کو حراست میں لے لیا۔لاش کوپوسٹ مارٹم کےلئے ضلع کے سرکاری جنرل ہاسپٹل منتقل کیاگیا۔مقامی افراد نے بتایاکہ ملیش کو شراب اور دیگر بری عادتوں کو ترک کرنے کےلئے سلطان بار بار زوردے رہاتھا تاہم ملیش اپنی بری عادتوں سے باز نہیں آیا۔اطلاعات کے مطابق باپ کے متواتر بری عادتوں کو چھوڑدینے کےلئے کہنے پرمشتعل ہوکر ملیش نے سلطان کا قتل کردیا۔
