پداواگوپراجکٹ کے کام جنگی خطوط پر مکمل کرنے تلنگانہ کے وزیر ناگیشورراو کی ہدایت

تلنگانہ کے وزیر زراعت ٹی ناگیشور راؤ نے بھدرادری کوتہ گوڑم ضلع کے اشواراوپیٹ منڈل میں پداواگوپراجکٹ کا معائنہ کیا جسے حال ہی میں شدید بارشوں سے نقصان پہنچا تھا۔ انہوں نے حکام سے اس پراجکٹ کو ہوئے نقصان کی تفصیلات حاصل کیں۔ انہوں نے انجینئرز کے ساتھ جنگی بنیادوں پر مرمت کے کام کا جائزہ لیا۔ آیاکٹ کے کسانوں نے وزیرموصوف سے ملاقات کی۔ انہوں نے افسوس کا اظہار کیا کہ پراجکٹ کے ذمہ داروں کی لاپرواہی کی وجہ سے یہ پراجکٹ خطرے میں ہے۔ ان کی لاپرواہی کی وجہ سے ان کی فصلیں ضائع ہو گئی ہیں۔وزیرموصوف نے انہیں یقین دلایا کہ مسئلہ جلد حل کر لیا جائے گا۔