بھونگیر کے ملکا پور میں کیمیکل فیکٹری سے زہریلی گیس کا اخراج۔ چھ مزدور زخمی

یدادری بھونگیر ضلع کے چوٹ اپل منڈل کے ملکاپور موضع میں جیہ لیبارٹریز کے کیمیکل پلانٹ میں پیش آ ئےحادثہ میں چھ مزدور زخمی ہوگئے۔لیبارٹریز کے کیمیکل پلانٹ سے زہریلی گیس کے اخراج کےباعث مزدور بے ہوش ہو کر گر گئے اور انہیں چوٹیں آئیں۔ اگرچہ یہ واقعہ چہار شنبہ کی اولین ساعتوں میں پیش آیا، لیکن مقامی عہدیداروں نے اس کے بارے میں کوئی معلومات نہ ہونے کا دعوی کیا ہے۔یہاں موصولہ اطلاعات کے مطابق زخمی مزدوروں کو علاج کے لیے اسپتال منتقل کرنے سے قبل ابتدائی طبی امداد فراہم کی گئی۔